ប្រទះឃើញវត្តមានហ្វូងសត្វដំរីនៅក្បែរព្រំដែនឧទ្យានឫស្សីត្រឹប

ថ្មីៗនេះប្រជាពលរដ្ឋបានប្រទះឃើញដានជើង(គន្លង)សត្វដំរីនៅក្បែរព្រំដែនឧទ្យានរាជបណ្ឌិត្យបណ្ឌិត្យសភាកម្ពុជា តេជោសែន ឫស្សីត្រឹប។
បើតាមអ្នកភូមិដែលចូលច្បោះជ័រ និងរកអនុផលព្រៃឈើនៅទីនោះ បានឱ្យដឹងថា គន្លងហ្វូងដំរីប្រមាណ៥ទៅ៦ក្បាល បានឆ្លងកាត់តំបន់ក្បែរព្រំប្រទល់ឧទ្យានដែលជាប់នឹងដែនអភិរក្សជម្រកសត្វព្រៃឆែប។
ដានជើងដំរីនីមួយៗមានទំហំមាណ ៤៥សង់ទីម៉ែត្រ(ជិតកន្លះមែត្រ) ស្នាមត្រដុសលើគល់ឈើ និងលាមក បានបន្សល់ទុក ដែលគេសន្និដ្ឋានថា ហ្វូងដំរីធ្វើដំណើរកាត់ទីនេះប្រមាណ ១០ថ្ងៃមុន។

គួបញ្ជាក់ដែរថា៖ តំបន់ឧទ្យានរាជបណ្ឌិត្យសភាកម្ពុជា មានសក្តានុពលជាច្រើនដូចជា ព្រៃឈើ សត្វព្រៃ ធនធានធម្មជាតិ ជីវចម្រុះ និងធនធានវប្បធម៌ ជាច្រើន។